Rohesia's POV
Kung kanina ay sobrang init ngayon naman ay bigla na lamang bumagsak ang ulan. Taranta na niligpit ni Arjay ang tinda ng girlfriend niya. Tinulungan naman siya ni Gage. Kumpol kumpol kami sa salas, nakaupo si Ada sa aking tabi at yapos yapos ako na tila ba ayaw ako paalisin.
"Madaling araw pa raw titigil ang ulan. Grabe na talaga ang panahon ngayon, biruin mo'y ang init init kanina tapos biglang buhos ng ulan. Paano kayo makakauwi niyan? Sabi'y baha na raw agad ngayon doon sa Gredon Street." saad ni Papa, tinutukoy niya kung saan nadaan ang mga sasakyan. Mabilis kasi bahain iyon, kaunting ulan lang ay baha agad.
"Bukas na lang kayo umuwi. Doon na lang kayo matulog sa kuwarto ni Rohesia, wala naman kayong gagawin na kung ano diba?" si Mama na agad kong tinutulan.
Huli k
