King's PoV
Hindi ko maalis sa isip ko si Max habang nakahiga ako ngayon sa malambot kong kama. Kanina habang nakita ko siyang nakatayo at akmang babatuhin ng bote bigla na lang akong napatakbo at nilundag ko pa ang hagdan para lang makaabot at masalo ang bote na ihahagis patungo kay Max.
Bumangon ako at minura ang aking sarili.
"Hindi ko na dapat siya tinulungan!" inis na sermon ko sa sarili ko sabay hilamos ng aking mga kamay sa aking mukha.
Muli kong ibinagsak ang sarili ko sa malambot kong kama.
"Nakakainis!"
Tumingin ako sa kisame at bigla na lang naasar. Nakita ko sila ni Vincent kanina na nag-iinuman sa may tindahan. Magkayakap pa sila at talagang sinasadya ni Vincent na asarin ako. Hindi pa pala nito sinabi kay Max na dito ako nakatira.
Ang lokong iyon, sinasagad ang pasensiy
