Yakap-yakap ko ang unan ko upang kahit papaano ay maibsan ang sakit na nararamdaman ko. Basang-basa na ito dahil sa mga luha na tumakas sa aking mga mata, mga luhang nahinog sa sakit, pighati, pagsisisi, at panghihinayang—at lahat ng emosyon na 'yon ay naramdama ko dahil mahal ko si Sull, mahal na mahal. Hindi ko kayang mawala siya sa akin, pero mas hindi ko kayang hayaan ang sarili kong masaktan nang husto. Hindi ko pwedeng hayaan ang sarili ko sa ganoong sitwasyon dahil hindi ko deserve 'yon. Ang hindi lang mawala-wala sa isip ko ay kung tama ba na nakipaghiwalay ako agad. Was it really necessary? Was that the right call?
Napagulong ako sa kama at napatingin sa blangkong kisame. Hindi ko alam kung tama nga ba ang desisyon ko. This is my first relationship. This is the first time I ever
