"So the results came in and I am glad to tell you that it's confirmed, kambal po ang anak ninyo. Congratulations." Pagkarinig na pagkarinig ko ng mga katagang 'yon ay parang gusto kong tumili sa saya pero pinigilan ko ang sarili ko dahil baka makaistorbo ako sa ibang kliyente.
Isang malapad na ngisi ang kumawala sa bibig ko. "Thank you, doc," tanging nasabi ko na lang. Ang dami kong gustong sabihin sa kanya pero hindi ko alam kung ano ang uunahin kaya pinili ko na lang na manahimik. Hindi mawala-wala sa mukha ko ang malaking ngisi dahil walang pagsidlan ang tuwang nararamdaman ko.
"Pero dahil kambal ang anak n'yo, Ms. Hidalgo, malaki ang tiyansa na maging maselan ang pagbubuntis n'yo, so I recommend you to visit my clinic regularly para ma-monitor natin ang pregnancy ninyo," paliwanag
