Napatitig na lang si Agatha sa salamin nang makita niya ang maitim na bilog na nakapalibot sa magkabilang mata niya. Hinawakan niya ang kanyang pisngi at umiling-iling. “No, no, not today!” aniya bago mabilis na inabot ang cream na ginagamit niya para kahit papaano ay maagapan niya ang bakas ng puyat sa mga mata niya. Hindi kasi siya nakatulog nnag maayos kagabi dahil sa pag-iisip tungkol sa naging sagot ng gobernador sa kanya.
Hindi niya mapigilang mapaisip kung ano ba ang gusto ng gobernador, kung ano ang ipapagawa nito sa kanya. Pero malakas ang kutob niya na pera ang hihingiin nito. Iyon naman kasi ang karaniwang hinihingi ng ibang mga politiko—pera. Pero ang problema ay ‘yon mismo ang wala siya. Frozen ang bank accounts niya, at tanging savings account niya lang ang nagagamit niya s
