HINDI maintindihan ni Malia ang nangyari. Nang magising ang mama ni Tyron ay nagsisigaw ito. Nakita raw nito si Tyron na galit na galit. Saktong dumating si Megan kasama ang mga pulis.
Naroon silang lahat sa lobby at inalalayan ang ina ni Tyron. Hindi pa rin nahihimasmasan ang ginang. Nakaupo lang ito sa couch at pinakakalma ng asawa.
“What’s happening here?” tanong ni Megan, nahagip ng tingin si Malia.
Taas-noo niya itong tiningnan. “Mamaya na tayo magpulong. Hindi maganda ang pakiramdam ng asawa ko,” sabi naman ni Sunny.
Binalingan siya ni Megan, nakataas ang isang kilay. “Looks who’s here?” anito, nilapitan pa siya.
“I’m here to clarify the case you were insisting against Andrew,” matapang niyang buwelta.
“Really? Do you defend your stupid boyfriend?”
“Andrew was innocent,” giit
