Kabanata 38
"Cheska, napabisita ka!" bati sa akin ni Manang Aurelia matapos niya akong pagbuksan ng main door.
Ngumiti ako. "Wala akong magawa sa bahay, Manang. Sila Mommy po?"
Nagtuloy ako papasok at nagdiretso sa living room. I heard her locking the door knob. Hindi nagtagal ay narinig ko na ang yabag ng mga paa niya sa direksyon ko.
"Kakaalis lang nila ng Daddy mo, hija. Ang dinig ko ay may kikitain sila tungkol sa negosyo. Hindi ba nila alam na pupunta ka dito?"
Naupo ako sa pang isahang couch at inilapag ang shoulder bag ko sa tabi. I crossed my legs and smiled at her. She's standing in front of me and like the usual, her face holds gentleness for me. Katangian na sana ay mayroon rin si Mommy.
"Hindi po nila alam. Wala rin naman po silang pakielam kahit narito ako." mapait na
