"Maayos lang kami dito, Janel. Kuu, hindi mo kami kailangan isipin pa," saad ni Nanay Edna sa kanya mula sa kabilang linya.
Kasalukuyan itong kausap ni Janel habang siya ay nasa loob pa ng kanyang silid. Kanina pa siya gising ngunit sa halip na gumayak na para sa pagpasok sa kompanya ng mga Olvidares ay naisipan niya munang tawagan ang mga ito para kumustahin.
Si Nanay Edna ay ang nag-iisang anak ni Aling Lorie. Nang namamasukan pa si Aling Lorie sa kanyang tiyahin ay madalas niya na rin makita ang anak nito. She was just in elementary when Aling Lorie went back to their province. Matanda na ito at hindi na rin kayang magtrabaho pa kaya naman nagpasya na lang na umuwi sa pamilya nito.
Nasa sekondarya na siya nang magkaroon siya muli ng komunikasyon kay Edna. Namasukan din kasi ito sa Ka
