DUMATING na ang araw na pinaka-hinihintay nang lahat, ang araw ng concert ng Starlight. Alas-siyete pa lamang ng umaga ang taas na ng energy ko para mamayang gabi na concert.
Hindi na ako mapakali habang pabaling-baling ang aking pagkakahiga sa kama ko ngayon.
Pupunta rin sina Francine, Jio, Sunshine at Diane mamayang concert. Binigyan ni Francine ang ticket ang tatlo. Hindi ko lang alam kung maging ang mga kapatid niya ay pupunta sa concert mamaya.
“Miss Frances, gising ka na po ba? Pinapatawag po kayo ng daddy niyo. Breakfast na raw po!”
Napabangon na ako sa aking kama at tumakbo papunta sa pinto. Naka-pajama pa ako dahil hindi pa ako naliligo, gusto ko kasi ay fresh ako mamaya sa concert kaya pinili kong hapon na maligo.
“Gising na po ako, ate Vic!” nakangiting sabi ko sa kanya.
