MAINGAY na sa loob ng van namin dahil na rin sabay-sabay silang nagsasalita.
“Ate Frances, marami raw pong pool doon sabi ni kuya Kirby?” malakas na boses ni Lili at tumingin pa siya sa akin likod, nasa dulo kami nina Collete, ako, Benedict and Kaito. Si Kirby ang nasa gitna kahilera niya sina Franco, Angel, Lili and Alexander na sobrang tahimik. Nasa harapan naman sina Francine, Jio, Sunshine and Cohen. At nasa passenger and driver sina kuya Marky and kuya Leo. Salitan silang magda-drive.
“Marami raw po! Nakita ko sa facetagram account nila!” sagot ko sa kanya.
Nakita ko ang pagningning ng mga mata ni Lili dahil sa sinabi kong iyon. “Really, ate Frances? Excited na akong makita ang mga pools po roon! Mag-swi-swimming ako magdamag!” malakas niyang sabi sa akin. Nagulat ako nang mawala
