DEINA
"Hahaha! Grabe, bilib na bilib na talaga ako sa kaya mong gawin, Deina. Titiklop talaga lahat sa iyo," wika ni Chase na kanina pa ako pinupuri. Natapos na lamang ang lahat, pero hindi ang kanyang bunganga. Dami niya sigurong stock na laway kaya ganito.
"Angasan ba naman kasi ako ng mga pekeng pulis? Sinong bobong hindi maiinsulto ro'n? At saka, napaka walang modo talaga, eh! Hindi na lang naghintay na maging maayos ang kalagayan ng kanyang Lolo o di naman kahit makalabas lang ng Hospital, papayag naman ako pumunta sa presinto. Kaso, ayon, talagang nadala ng excitement si gaga at nag-atubiling manlusob dahil lang nandoon si Kristoffer. Ayon, ang ending, pahiya siya," mahaba kong linya.
"Gano'n talaga kapag inlab, kahit ano susuungin, magpapansin lang. Pero kalimutan na natin ang na
