EIRINE
Anong oras na? Nasaan ako? Anong nangyari? Nagtagumpay ba kami?
Iyan ang mga katanungang unang pumasok sa isip ko noong magising ako rito sa clinic. Walang ibang tao sa loob ng silid kung hindi ako lang. Kung malapit pa ako kina Kristoffer, paniguradong narito sila sa tabi ko, binabantayan ako. But this time... I was alone, for the first time.
Huminga ako nang malalim, tumulo ang luha sa aking mata. Hindi ko matanggap na sa pag-alis ko ay mawawala ang lahat sa akin. Sapat na ang kaunting panahon para lumagapak ako sa lupa. "Hindi ako magiging talunan habangbuhay. This is not the end of my fight..." bulong ko sa aking sarili.
Umupo ako, iginala ang paligid. Iba na ang suot kong damit, siguradong binihisan ako ng nurse rito sa clinic. Bago ako mawalan ng malay ay natatandaan ko p
