MALUMBAY ang hanging nakapalibot sa pitong estudyanteng nakaabang sa labas ng ICU. Tapos nang makuhaan ng dugo ang tatlong babae, hinihintay na lang nila Kristoffer na lumabas muli ang nurse upang sila naman ang makuhaan ng sample.
"Sorry, guys. I feel like, kasalanan ko kung bakit nagkaroon ng problema at ngayon-- nasa delikadong sitwasyon na si Deina," pambabasag ni Aariyah sa katahimikan na matagal na namayani. "Wala kang dapat na ihingi ng tawad, Aariyah. Walang may gusto noon at walang nag-e-expect na ang isang balyenang nurse ay magbibigay ng panganib kay Deina. Isa pa, nai-report naman na sa pulis iyong kuha ng CCTV, maghintay na lang tayo ng resulta," tugon ni Samantha.
Lahat sila ay pagod. Malamlam ang matang nakatingin sa kawalan. "I think, isang masamang ideya na tawagan ang m
