KUNG hindi pa siya umalis ay baka hindi lang sampal ang ipatikim niya kay Lucrecia. Ngunit ang pinagtaka niya ay tahimik si Larissa, tila wala itong pakialam sa paligid. Parang hindi rin siya nito nakikita, o ginagawa lang nito ang ganun taktika upang mas inisin pa siya.
Pero ayos lang dahil marami pa namang pagkakataon. Ngayon na lahat babae ang kanyang mga bodyguard simula na ulit ng kanyang pagsasanay. At lahat ng nais niyang matutuhan ay pagsusumikapan niyang malaman. Kaya doon sila magsasanay sa exclusive mansion upang walang nakakaalam. Mahirap kapag sa mansion na tinitirhan nila maraming mata si Lucrecia at Larissa.
“Ms. Nikki, pumili ka ng araw na kung kailan nyo ako tuturuan. Gusto kong higitan lahat ng mga tauhan ng aking asawa.”
“Kung yon ang nais mo, hindi kami ang dapat na
