Nang tawagan sila ng Mama ni Vince at sabihing magtungo na sila sa bahay ng mga ito dahil naroon na raw ang resulta ng DNA test, agad na silang nagbihis para magtungo roon, ihahatid na lang muna nila si Arkin sa bahay ng mga magulang niya, panigurado kasi na may drama mamaya sa bahay ng parents ni Vince, ayaw na niyang makita pa ng anak ang kadramahan ng Mama ni Vince. Sinabihan na rin siya ng asawa na huwag na lang niyang pansinin ang Mama nito. Maraming beses nang sinabi sa kanya ng asawa ang bagay na iyon, and this time nag decide na siyang gawin ang sinabi nito. Pagod na kasi siya sa pag intindi sa Mama nito, nakakapagod din ang pamimilit niyang ma accept ng biyenan. Wala naman talaga siyang ginagawang masama, hindi niya niloloko si Vince. Mahal niya si Vince at mahal niya ang kanyang
