Nang mga sumunod na araw ay naging abala si Aarah dahil tumutulong siya sa preparasyon ng birthday ni Clara. Gayun pa man ay hindi pa rin niya nakakalimutang dalawin at alagaan si Bart. Kapag walang pasok ay pinapapuntahan niya rin ito kay Davina.
Hanggang maaari ay ayaw sana niyang iwanan si Bart. Pero ayaw din naman ni Aarah na maramdaman ni Clara na hindi niya sinusuportahan ang kasiyahan nito dahil sa paglaya nina Bernard. Alam ng dalaga na bukod sa pamilya, siya ang unang tao na gustong makita ni Clara sa birthday nito. At hindi niya kayang biguin ang kaibigan.
"Kailangan mo ba ng tulong?"
Muntik nang mabitiwan ni Aarah ang hawak na palanggana na may lamang mga hugasin. Nasa likod siya ng bahay noon para doon maghugas sa isang lalabo. Malalaki kasi ang mga hugasin at punong-puno
