DAHIL sa galit ni Juwi binagsak niya ang pintuan at lumabas siya ng bahay at agad pumara ng taxi upang kunin ang kaniyang motor. Tulala si Juwi sa loob ng taxi at pilit inaalala ang lahat na nangyari sa gabing iyon. Ang huli niyang naalala ay pagkagaling niya sa banyo ay ininom niya ang beer saka siya nakaramdam ng pagkahilo.
Malakas ang kutob niya na may nilagay ang babae sa kaniyang iniinom. Hanggang nakarating na siya sa bar kung saan nakaparada ang kaniyang motor.
Pagkababa niya ay agad naman siyang sumakay sa kaniyang motor at halos liparin ni Juwi ang daan para agad makarating sa apartment. Pagpasok niya ay agad naman siyang sinalubong ng tanong ni Oliver.
"Saan ka ba galing buddy?"
"Ahhh ... mahabang istorya buddy, bwisit itong si Kettylyn!"
"Ganoon ba? Tawagan mo iyong fiancee
