"DUMATING nga kayo pero ang mga bata naman ang nawawala. Diyos ko, ano ba itong nangyayari?" Napaantada tuloy si Aries Dale.
Labis-labis ang pasasalamat niya dahil ang pamangking kaedaran ng bunsong apo kay Aries Theodore ay nasa Madrid. Subalit kaya pala nagkakagulo ang mga tao sa mansion nang dumating siya dahil walang nakapansin sa dalawang babae sa triplets.
"Grandpa, wala ng ibang kumuha sa mga iyon kundi ang sira-ulo nilang abuelo. Aba'y---"
"HEY, man! Saan ka pupunta?!"
"Uncle Marc! Archy! Igapos ninyo ang kapreng iyan! Quickly!"
Hindi magkandatutong pahayag ni Camille. Aba'y paanong hindi siya mataranta samantalang kitang-kita niya ang baril sa likuran nito. Okay lang sana kung naghaharutan sila ngunit bukod sa nasa Madrid silang magtiyuhin ay nawawala pa sina Sofia Ezperanza
