PAGLAPAG NG EROPLANO ay agad silang sumakay ng isang suttle bus papunta sa pantalan kung saan sasakay sila ng isang pump boat patungo sa isang isla malapit sa El Nido kung saan nakatirik ang bahay bakasyunan ni Samuel.
"Yes!" Malakas na sigaw ni Mich habang nakatunghay sa asul na tubig. Habang naghihintay ng bangkang masasakyan. Tuwang-tuwa ang kapatid niya. Mukhang lagi rin ito roon dahil mukhang kabisado na ang lugar.
Nang may dumating na bangka ay agad na lumusong si Samuel sa aplaya upang ilagay ang tatlong bag na dala nito. Ayaw naman nitong tulungan nila sa pagdala ng mga iyon. Matapos nitong ilagay ang bag ay bumalik ito at saka tumalikod. Nanlaki ang mata nito ng sumakay sa likod nito ang kapatid na ayaw mabasa ang suot na sapatos.
'Susulong ako..' aniya sa isipan ng makitang
