Kylie POV
Lumayo ako kay Red. Wala sa sariling iniwan ko siya. Tinatawag niya ako pero hindi ko siya kayang harapin. Pagod ang buong katawan at isip ko.
Gusto ko ng umuwi at ibuhos ang lahat ng pwede ko pang mailuha. Hindi ko maintindihan kung bakit nagawa sa akin ito ni Carlo.
Gusto ko siyang sumbatan. Gusto kong magpaliwanag siya sa akin. Kung bakit iiwan niya ako ng walang pasabi. Madali naman akong kausap. Kung sasabihin naman niya sa akin na maghiwalay na kami. Kahit masakit sa akin ay tatangapin ko pero pano ako makakamove on kung ang taong mahal ko ay malayo na sa akin.
Walang closure. Hindi ko alam kung ano ang iniisip ni Carlo. Hindi ko akalain na mangyayari ito sa akin. Nangako siya sa akin pero anong ginawa niya. Hindi na niya matutupad ang pangako niyang walang iwanan.
