"Ano 'yon?!" tanong ni Lheizel.
Napatingin ang lahat sa bandang may pumutok na baril. Nasa isang kubo silang lahat at pinagtutulongang gamutin si Ashlene. Awa ng panginoon nilang Satanas ay natanggal na nila ang bala sa braso ni Ashlene. Medyo umayos na ang kalagayan ng dalaga. Nakahinga na rin ng maluwag si Lheizel para sa kapatid.
"Parang sa may kweba," sagot ni Joylyn na 'di sigurado.
Seryoso ang mukhang pinasadahan ng tingin ni Lheizel ang mga kasamang babae at napatayo ito nang mabilang na kumpleto ang mga ito. "May kalaban!" pagkuwa'y sambit nito na matulis ang naging tingin sa dakong kweba.
•••
Nagtayuan ang tatlong sundalo pagkatapos masigurong patay na si Dhoy. At inihanda na nila ang mga sarili para harapin ang mga babaeng kulto! Ang mga babaeng kampon ni Satanas!
Matatapan
