CHAPTER 29: LATE.
Hinampas ako ni Gemma sa balikat ng magkita kami. Naka lose pink shirt siya, short shorts at pink na rubber shoes.
"Gaga kang bakla ka, akala ko hindi ka na pupunta. Tapos na ang yoga, di mo na naabutan."
Inirapan niya ako pagkatapos ay ikinrus ang dalawang braso sa kanyang dibdib.
"Aray ko ha, makahampas. Wala naman akong balak mag gym, sinadya ko talagang magpa-late para maabutan lang kita dito sa labas."
Pagpapalusot ko sa kanya kahit ang totoo ay na-late ako dahil nagkaroon pa kami ng madramang pagkikita ni Karlo kaya hindi na ako nakasama sa kanya sa pagyoyoga.
Pinanliitan niya ako ng mga mata. Hinagod niya ako ng tingin mula ulo hanggang paa pagkatapos ay ibinalik sa mukha ko ang tingin.
"Gaga! Ang ganda mo na ah, dalaga na siya."
Natatawang sabi niya, inig
