49
Drunken words are sober thoughts.
Isa 'yon sa mga bagay na pinaniniwalaan ni Louie. Kung kaya, ni minsan hindi ito nagpakalasing ng todo kasama ang mga kaibigan niya. Baka may mabanggit siyang hindi kanais-nais at ikapahamak pa niya. Napakarami niya pa namang sikreto na hindi sinasabi kahit na kanino.
Alam niyang may usapan silang anim na wala dapat magtatago ng sikreto sa kanila. Na ang problema ng isa ay problema ng lahat, pero kung nagawa ng mga kaibigan na itago kay Stephen ang tungkol kay Lena at sa anak nilang dalawa, may karapatan din si Louie na itago sa kanila ang mga kabalbalan niya.
"Punta ko Sta. Catalina next month." Lasing na sabi ni Toby. Sumisigok na ito, nakapikit at nakayuko ngunit patuloy pa rin itong binibigyan ng alak ni Brad. Ang sabi kase nito ay pagkakataon n
