62
"Okay love." Dismayadong ibinaba ni Celine ang telepono matapos mawala ni Louie sa kabilang linya. Nag-inat pa siya at bahagyang minasahe ang ngalay na balikat niya. Hindi na naman nila kasabay kumain ng hapunan ang asawa niya. Naghanda at nagluto pa naman siya dahil nagsabi ang Mommy niya na doon ito kakain sapagkat namiss raw nito ang apo niya. Hindi niya lang nasabihan kaagad si Louie dahil naging abala rin siya sa paghahanda.
Napalitan na talaga siya. Hindi na kase siya ang paborito ng mga magulang niya, si Rylie na lang. Ang anak na ang mas madalas hanapin at kamustahin ng mga magulang niya. Si Rylie na lang rin ang palaging may pasalubong kapag nababakasyon out of the country ang mga magulang niya.
"Hindi na naman dito maghahapunan ang magaling na asawa mo? Mukhang napapadalas
