NAGISING ako sa pakiramdam na parang mabigat, hindi ako makahinga ng maayos. Para akong nakatali na hindi na makagalaw sa aking kinalalagyan. Parang nakapako ang mga paa ko na hindi ko maiangat.
Nakasimangot kong iminulat ang aking mga mata. Pero ang pagsimangot ko ay napalitan ng malapad na ngiti nang mapagtantong nasa kuwarto nga pala ako ng mga anak ko.
Parang gusto kong matawa nang makita ang posisyon naming anim.
Kaya pala nabibigatan ako at halos hindi na makahinga dahil nakabalagbag ng higa sa tiyan ko ang anak kong si Brandon, nasa tiyan ko ang ulo nito at nasa hita naman ni Darius ang kalahating katawan. Si Elle ay payapang nakahiga sa dibdib ni Larco. Si Adrius lang yata ang maayos ang higa sa pinakasulok ng kama pero ang paa ay nasa likod ni Darius. At kaya pala hindi ko na
