WALANG imik si Darius sa buong biyahe hanggang sa nakauwe na kami ng mansyon. Sinasagot niya lang ang triplets kapag may tinatanong sa kanya ang mga ito, pero ako ay parang hangin na lang sa kanya. Hindi ko alam kung galit ba siya sa akin o ano, pero talagang hindi niya na ako pinansin mula pa kanina matapos niyang matulog sa lap ko.
Pagdating namin sa bahay ay agad kong inasikaso ang triplets. Nang matapos ko silang bihisan ay dumiretso agad silang tatlo sa playground at naglaro ng soccer.
Si Larco ay wala pa rin, mukhang mamayang gabi pa yata ang uwe.
Ngayon ay nakaupo lang ako dito sa may playground at pinapanood ang triplets sa kanilang paglalaro.
“Mommy, where's Dad?” pasigaw na tanong ng anak kong si Adrius habang patuloy ang pagsipa sa bola.
“I don't know, baby. Nasa loob yata
