YEAR 2010, Graduation Day.
"Congrats!" Magaang pinatong ni Diego ang braso niya sa balikat ko habang nakangisi siya sa'kin.
Tiningnan ko naman siya ng masama. "Lubayan mo ako, Diego, kung ayaw mong dumiin sayo 'to," banta ko at pinakita ko pa ang palad ng kamay ko para alam niya ang ibig kong sabihin.
"Ito talaga," sabi niya habang umaataras. "Hindi ka pa rin nagbabago. Mas brusko ka pa sa kuya mo."
"Vicky!"
Hindi ko na nagawang sagutin si Diego dahil sa bisitang dumating.
"Kuya!" Mabilis akong tumakbo sa labas at yumakap kaagad ako kay kuya nang makita ko siya.
Ang tangkad na niya ngayon kumpara sa huling araw na nakita ko siya. Kailan nga ba iyon? No'ng nakaraang tatlong buwan pa yata. Masyado siyang busy sa trabaho niya sa Maynila, habang ako, naiwan dito sa probinsya para magta
