TORI
Na-shock si Yaya ng umuwi akong may kasamang lalake. At lalong halos panawan s'ya ng ulirat ng sabihin kong nag-asawa na ako. Hindi s'ya naniniwala kaya pinakita ko pa ang marriage contract namin bilang patunay na ikinasal na talaga kami kahapon.
"Nand'yan ka na pa -- sino 'yang kasama mo?" Ang kaninang nakangiting mukha ni Yaya ay biglang napalis at napalitan ng kunot ng noo.
Tumikhim ako. "Ya, si Philip po. Asawa ko. Philip, s'ya ang tumatayong nanay ko simula ng mawala ang mga magulang ko."
Ipinakilala ko silang dalawa sa isa't isa at naging magalang naman si Philip. Inabot n'ya ang kamay ni Yaya at nagmano. May alam din pala sa gawi ng mga Pilipino ang asawa ko.
"Mano po."
"Kaawaan ka ng Diyos, hijo. Umupo ka muna at ikukuha kita ng maiinom. Victoria, sumama ka sa akin sa
