K19 - Can't Get Enough
NAGULAT si Cain nang lumabas siya ng opisina at si Yasuri ay naroon pa rin, nasa mesa, nagsasalansan ng mga gamit nito. Wala na halos tao sa building ng kumpanya, o mas tamang sabihin na wala na talaga. Umuwi na ang lahat dahil alas sais na mahigit. Hindi naman uso sa mga empleyado nila ang overtime sa opisina. They work at home. Naka-time in ang mga iyon at may camera na nakatutok habang nagtatrabaho. May bayad iyon.
Tinapos lang niya ang trabaho dito dahil kapag inuwi niya sa bahay, hindi magiging buo ang oras niya para kay Hunt.
Gusto niya, kapag oras para sa pamilya ay oras lang para roon, wala siyang gagawin, pwera na lang kung talagang kailangan nang madalian. Isa pa, lumilipad ang isip niya. One of his other investigators called him. Iba ang imbestigador na
