Ilang taon na ang lumipas matapos ikasal ulit sina Ashlene at Jonathan. Malaki na rin ang anak nila na pinangalanan nilang Asjay.
Masaya na ang mag-asawa.
Sa kasamaang palad, kabaliktaran iyon sa sitwasyon ngayon nina JL at Cris. Sapagkat ang inakalang magandang buhay at masayang pamilya sa piling ni Cris ay isang malaking pagkakamali pala ni JL.
“Aray ko, Cris! Tama na!” hiyaw na naman ni JL. Pinagbubuhatan na naman kasi siya ng kamay ng kinakasamang lalaki. Puros na siya pasa kakasampal ni Cris. May umaagos nang dugo sa kanyang bunganga gawa ng pumutok niyang mga labi.
“Ikaw ang malas sa buhay ko! Ikaw!” Ngunit imbis na tumigil ay isang malakas na sampal ang iginawad na naman ni Cris sa kanya.
Napahagulhol ng iyak si JL. Awang-awa siya sa kanyang sarili.
Hindi niya kasalanan kung
