"JL, anong ginagawa mo?” Pinigilan ni Cris si JL dahil parang may balak na si JL na magpakita sa tatlong lalaki.
“Narinig mo naman ‘yun, hindi ba? Kailangan daw ako ng anak ko, Cris.” Kusang tumulo na ang mga luha ni JL. Kahinaan niya nang sobra ang anak niya. Kahit naging masama siyang tao ay hindi naman siya masamang ina. Hindi niya mapapatawad ang kanyang sarili kapag may mangyari sa kanyang anak.
“Paano kung sabi lang nila ‘yun dahil kaharap nila si Kapitan?”
Natigilan si JL. Napaisip siya saglit. “Pero paano kung totoong kailangan nga ako ng anak ko? Cris, mas mahalaga sa akin ang buhay ng anak ko,” hanggang sa sabi pa rin niya.
Nagtitigan sila ng binata. Sa huli ay hindi na siya pinigilan pa ni Cris. Gulat ang tatlong lalaki at ang Kapitan nang lumabas silang dalawa sa kanilang p
