"Miss, saan rito ang silid ng pasyente niyong sanggol? Ang pangalan niya ay Zia Villasera,” pag-uusisa ni JL sa may front desk ng hospital.
“Kaanu-ano niyo po ang pasyente, Ma’am?”
“Ako ang ina niya. Anak ko siya,” mabilis niyang tugon.
Parang ayaw pang maniwala ang babae, siguro ay nagtataka sa sunog niyang mukha.
“Ayaw mong maniwala dahil ba sa hitsura ko? Gusto mo ipa-DNA test mo kaming mag-ina para maniwala ka!” singhal niya rito. Nakakainsulto na, eh.
Nahintakutan ang babae. “Hindi naman po sa ganoon, Ma’am. Sige po, titingnan ko ang record.”
“Relax lang, JL,” bulong naman sa kanya ni Cris.
Napabuntong-hininga si JL. “Sorry, Miss. Nag-aalala lang kasi ako para sa anak ko,” pagkuwa’y paghingi niya ng paumanhin sa sinungitang receptionist.
“Okay lang po, Ma’am.” Ngumiti naman sa
