"Ako pa? Alam mo naman na kung may gusto ako ay siguradong makukuha ko,” nakangising pagyayabang ni JL kay Flower. Kausap niya ang kanyang kaibigan sa cellphone. Kanina pa siya gising pero ayaw niyang lumabas muna sa kuwarto. Gusto niyang dagdagan pa ang pagdadramang ginawa niya kagabi sa harap nina Marjorie at Jonathan. Kung kagabi ay nagkunwa-kunwarian siya na lasing na lasing, ngayon naman ay nagkukunwa-kunwarian siyang masama ang kanyang pakiramdam. Kunwari ay masakit ang kanyang ulo dahil sa hangover.
“Ikaw na talaga.” Tuwang-tuwa naman si Flower. “So, what’s your next plan? Ang akitin na si Jonathan?”
“Naman. Hindi ko na patatagalin pa. Susulitin ko na ang chance na nandito pa ako sa bahay niya.”
“Go, Sis. Masaya ako para sa iyo kasi sa wakas magkakadyowa ka na rin ng lalaking mah
