NAKAHALUMBABA SI ROSALLIA sa kaniyang bintana. Ilang araw na rin ang nakalipas nang huli niyang makita ang mahal niya. Ilang araw na rin siyang nagkukulong sa kuwarto niya. Wala na rin siyang interes sa pagkain. Ganoon pala talaga ang pakiramdam kapag hindi niya nakita ang mahal niya. Hindi niya kayang hindi ito makita nang matagal. Kumusta na kaya ito? Ayos kaya ito? Napuruhan ba ito? Pati pagtulog niya'y naaapektuhan dahil sa mga tanong na iyon. Hindi siya makampante, parang gusto niyang mawala na lang sa mundong ibabaw dahil sa sakit na nararamdaman niya. Tumulo na ang ilang butil ng luha sa kaniyang mga mata. Namamaga na rin ang mga mata niya dahil ilang araw na rin siyang naiyak. Ganito ba ang itinadhana sa kaniya ng nasa taas? Hindi niya sinisisi ang Panginoon pero kung ganito lang d
