NAKATANAW SI ROSALLIA sa magandang karagatan na nasa harap niya. Kulay asul iyon na nagpadagdag ng kagandahan nito. Kanina pa siyang nakangiti kahit na may nabalitaan siyang hindi maganda. Si Ebet talaga ang sumuko kanina... hindi siya maaaring magkamali. Tama lang ang ginawa ng kaibigan niya dahil iyon ang tamang gawin. Naaawa rin siya para rito. Kapatid na ang turing niya rito noon pa man pero mukhang ito talaga ang itinadhana sa kaniya. Matapos mabalitaan ang tungkol kay Ebet, isang balita muli ang nalaman niya. Sumuko na rin ang isang pumatay kay Manang Alice, si Madett— ang hilaw niyang lola. Mabuti na lang at sumuko na ito para hindi na mahirapan pang maghanap ang mga maghahanap. Sa ngayon, ang bruhang si Emily na lang ang hinahanap. Malapit nang magkaroon ng hustisya laban kay Manan
