"ANO BANG GINAGAWA mo rito, Keus?" medyo galit na tanong ni Rosallia kay Keus nang makapagtago sila.
Kaagad na nangunot ang noo ni Keus. "I'm here because I followed you," gulat na sagot nito sa kaniya.
Ayaw na niyang kuwesyunin ang binata. Ang tangi lang niyang nagawa ay tumingin sa pinto na kinalalagyan niya kanina. Mabuti na lang at nahila niya kaagad si Keus dahil kung hindi, baka nahuli na sila ng dalawa. Sandali niyang tiningnan si Keus saka umalis na sa tabi nito. Hindi siya galit dito, nagulat lang siya sa ginawa nito. Ito pa yata ang magiging dahilan para malaman nina Emily at Ma'am Madett na pinapakinggan niya ang usapan ng mga ito. Kung maaari'y huwag nang sumali si Keus sa isyu.
"Where are you going, Rosallia?"
Habang naglalakad, narinig niya ang boses ni Keus. Nang harapin
