NAKATULALA LAMANG SI Rosallia habang pinapakatitigan ang sarili sa salamin. Bumalik na pala sa dati ang mukha niya, ngayon lang niya napagtanto. Ang akala niya'y magtatagal ang naiwang peklat sa mukha niya pero hindi pala, natanggal na ito sa loob lamang ng ilang buwan. Para sa kaniya'y ayos lang kung hindi man matanggal ang bakas ng sugat sa kaniyang mukha, kuntento na siya roon sapagkat hindi naman iyon nakakaapekto ng kagandahan niya. Kagagawan ni Emily ang nangyari sa kaniya noon, kung hindi sila nag-away, hindi mangyayari iyon sa kaniya. Si Emily ang nagsimula kaya kapag nagkaroon na siya ng lakas ay dito naman niya gagawin ang ginawa sa kaniya. Hindi na siya magpapa-api dahil pagod na pagod na siya.
Mayamaya pa ay natigilan na lang siya nang bumukas ang pinto ng banyo. Nang balingan
