AKAY-AKAY NI ROSALLIA si Rosie habang palabas sila ng clinic. Kakatapos lang ng ultrasound nito at babae ang unang anak ni Rosie. Masaya siya dahil masaya ang anak niya. Hindi nila ipinakitang mag-asawa na hindi sila suportado sa anak nila.
"Mommy, I'm so excited to see my girl," nakangiting sabi ni Rosie nang makasakay sila sa loob ng kotse— sa back seat.
"Ako rin, anak. Excited din akong makita ang unang apo namin ng daddy mo. Nga pala, bakit hindi sumipot si Kyle? Sana'y siya ang sumama sa iyo ngayon dahil siya ang asawa mo," aniya rito.
"Nag-e-exam po, mommy. You know naman po na graduating student siya and he needs to do everything para makapasa at mangyari ang gusto niyang maging isang piloto."
"Mabuti naman at nagsusumikap iyang si Kyle dahil kung hindi, naku, makikita mo ang g
