Chapter 53
Ayesha POV
"Miss kilala ko talaga si Kiel. Bakit ba ayaw mong maniwala?" Nauubusan na ako ng pasensya sa receptionist ng Lavega Hotel. Kanina pa kami ni Kiela rito sa lobby ng hotel at ayaw kaming papasukin sa loob.
"Tatawag na ako ng security kapag hindi ka pa umalis miss. Hindi nga pwede ang fans dito. Kabilin-bilinan ng Monteverde family na huwag papasukin ang mga fans sa loob--"
"Hindi nga ako fan! Ako ang girlfriend ni Kiel." Giit ko.
Nagtawanan ang dalawang receptionist na kanina ko pa pinipilit na papuntahin kami sa room ni Kiel.
Tinignan nila ng painsulto ang suot kong damit. Simpleng damit lang kasi ang suot ko eh. Hindi ko naman kasi nadala sa probinsya ang mga regalong damit ni Kiel sakin. Naiwan ko lahat ng gamit at damit ko sa mansyon noong araw na umalis a
