Kabanata 83 - Part II
Napabuga ako ng hangin matapos kong ihanda ang mga dadalhin ko sa bukid maya-maya. Nauna na roon sila mama at papa para magsaka. Tuluyan na kasi naming nabawi ang isinangla naming titulo kaya may pangkabuhayan na kami ulit.
Ginamit ko ang naitabi kong pera para mabayaran ang natitirang mga utang namin dahil ayoko nang bigyan pa ng iisipin ang mga magulang ko. Tinanggap na nila ako nang buo at walang panghuhusga kaya iyon na lang ang pambawi ko sa kanila.
Wala akong kahit na anong masamang narinig sa kanila nang magtapat ako na buntis ako kaya ako umuwi. Sinabi ko rin sa kanila na sariling desisyon ko ang umalis kahit na handa akong panindigan ng amo ko na siyang ama ng dinadala ko.
Alam kong marami silang gustong sabihin sa akin; na marami silang mga katanungan na
