"Mommy? Bakit po kayo napatawag, nasa meeting po ako?" wika ko kay Mommy nang sagutin ko ang tawag niya. Medyo napataas ang tono ko dahil naistorbo ako sa meeting. Ako ang speaker at nakakahiya naman kung paghintayin ko ang mga kasama ko lalo na at kliyente sa negosyo ang iba roon.
Ayaw ko sana na kunin ang cellphone na inaabot ng assistant ko pero ayon sa kanya kanina pa raw kasi nagri-ring ang cellphone ko at baka raw importante ang tawag.
Nag-excuse ako saglit sa mga ka-meeting ko dahil baka importante nga ang tawag. Nasa kalagitnaan pa lang naman ang meeting at mukhang aabutin pa kami ng kalahating oras dito.
Gusto ko pa naman ng umuwi dahil nagrereklamo na si Charmel na sumasakit ang tiyan niya kanina kaya minamadali ko ang meeting. Ayaw ko sanang iwan siya ngunit importante ang me
