Habang nasa daan kami pauwi ay kinuwento ko kay Charmel na matagal ko ng alam kung nasaan siya. Halos hindi siya makapaniwala na matagal ko ng alam na nasa poder siya ng kanyang ina.
"Totoo? Matagal mo ng alam na naroon ako sa poder ni Mama Camilla," hindi pa rin kumbinsido na tanong niya. Hawak niya ang kanyang tiyan at mariin na nakatitig sa akin.
"Yeah, baby girl." I nodded. Malamlam ang matang tinitigan ko ang malaki niyang tiyan at parang natutukso ako na haplusin ito at pakiramdaman ang paggalaw ng anak namin.
"Bakit hindi ka man lang nagpakita kahit isang beses?" nakalabi niyang saad at saka inismiran ako. "Sana man lang naglakas-loob ka na makita ako kahit galit ako."
"Gustong-gusto kong magpakita sa iyo kung alam mo lang." Hinaplos ko ang mukha niya at gigil na pinindot ang il
