KABANATA 24:
NAPAAHON ako sa higaan. Hingal na hingal, pawisan at luhaan. Napahawak ako sa braso ni Emil.
"Binabangungot ka? Saglit at kukuha ako ng tubig!" Natataranta nitong sabi. Nagmamadali itong umahon sa kama at nagsalin ng tubig mula sa baso. Mabuti na lang at may sarili na akong fridge.
Hindi ako makapagsalita. Hinawakan ko ang basa kong pisngi. Akala ko totoo. Takot na takot ako sa itsura ni Emil. Maging iyong takot ko na may taong gustong manakit sa akin ay tila ba totoo. Hanggang ngayon ay ang lakas ng kabog ng aking dibdib. Sariwa pa din sa akin ang panaginip.
"Here, drink this..." anito at umupo sa tabi ko habang pinapainom ako ng tubig.
Pinunasan niya ang basa kong pisngi. Nag-aalala niya akong dinungaw.
"Anong napanaginipan mo?" masuyo niyang tanong. Niyakap niya ako
