KABANATA 47:
INANTAY ako ni Emil hanggang sa matapos ako sa trabaho. Nagpumilit pa na ihatid ako sa Mansion kahit na sinabi ko ng ayoko.
"Hindi na nga kasi!" yamot kong sabi.
"Ihahatid nga kita," ulit niya. Kanina pa kami nagtatalo kaya ang ending hindi ako maka-alis alis sa opisina dahil nga sa kanya.
"Ang kulit mo talaga!" Pinandilatan ko na siya ng mga mata. Ramdam ko na nga na pulang-pula ang buong mukha ko dahil sa kanya. Ikinawit ko ang sling bag sa aking balikat at kinuha ang coat sa stand rack. Hindi maipinta ang mukha ko ng lumabas sa opisina.
Wala na si Mia. Kanina pa nakauwi maging ang ibang empleyado. Alas-sais na kasi ng gabi at ang akala ko na hindi magtatagal si Emil ay isang scam lang pala. Pinaabot ko na nga ng ganitong oras ay talagang naroon pa din siya. Wala naman
