KRIS
Nakatingin ako kay B habang nagbibihis siya ng board shorts at sando sa kuwarto niya. Nakaupo ako sa kanyang kama nang nakatukod ang siko ko sa aking tuhod at nakasalikop ang mga kamay sa harap.
“Bakit bigla ka na lang umalis nang hindi man lang tayo nag-usap?” sita ko sa kanya.
“I can’t stand to look at that woman for even just a minute without thinking of killing her, Kris!” tiim-bagang na sagot niya. “Kung alam mo lang kung gaano ako nagpipigil sa sarili ko, eh!”
“Kanina pa ako pababalik-balik dito sa bahay mo, sa Bais at sa kung saan-saan ka naglalagi. Hindi kita makita. Walang may alam kung saan ka nagpunta. Para na akong mababaliw sa kahahanap sa ‘yo! Akala ko pa nga ay lumipad ka na
