"Ate, kaibigan ba ng daddy nina Rhianna at Aaron si Jetro?" tanong ni Cecilia. Tumango lang ako bilang sagot dahil sumikdo ang puso ko ng banggitin niya ang ama ng kambal kong anak.
Kasalukuyan ko siyang inaayusan para sa pagpunta namin sa bar.
"Ang guwapo din ni Jetro, ate," bulalas niya. Mahina akong tumawa dahil bihira lang marinig na purihin niya ang isang lalake.
"Oo, guwapo silang magkakaibigan. Pero mga babaero sila," sagot ko.
"Ay," dinig kong sagot niya na may himig ng pagka-dismaya.
"Sila ang mga tipong iiwasan mo para hindi ka magaya sa akin," bilin ko sa kaniya.
"Ate, paano kung makita natin mamaya ang daddy ng mga bata?" tanong ni Cecilia na tila binalewala ang sinabi ko.
Napatigil ako sa ginagawa at napaisip. Pero kasama namin si Jetro. Alam naman niya na iniiwa
