"Sigurado ka ba sa plano mong ito Gianna?" Galit na tanong sa kanya ng Kuya Gideon niya. Tinawagan niya ang kapatid para makipagkita ito sa kanya sa Maynila. Bilang napakabait ng Kuya Gideon niya ay agad itong dumating para sa kanya. Bless na bless siya sa pagkakaroon ng mabait na kapatid.
"I am sure Kuya," tugon niya.
Nagpatulong kasi siya sa kapatid na gawan ng paraan na makaalis siya ng bansa na walang ibang makakaalam. Sa Europe niya naisipang magtungo at mag stay habang buntis siya. Matagal na niyang pinag isipan ang plano niyang ito. Nais niyang makaganti kay Calvin sa paraang alam niya. Planado na niya ang lahat. Matutuloy ang engrandeng kasal nila, at pagkatapos ng kasal hindi na siya makikita pa ni Calvin, at kung mahal siya ni Calvin katulad ng sinasabi nito, hahanapin siya nit
