“WHAT HAPPENED to that kid? Ang dami niyang sugat at pasa. Totoo bang sinaktan siya ng tatay niya?”
“Oo. At hindi lang ngayon nangyari iyon. Pang-apat na insidente na ito na tumakbo rito sa shelter ang mag-inang iyon para humingi ng tulong.”
Tig-isa sila ni Awa ng kinauupuang swing. Pinagmamasdan ni Alucard ang magiliw na pakikipaglaro ni Awa sa alaga nito.
“Kung ganyang aware pala kayo sa nangyayari sa kanila, bakit parang hindi nagbabago ang kalagayan nila?”
“Pero sa bansang ito, uso pa rin ang ideya na kapag away-pamilya ay walang puwedeng ibang makialam.”
“But people are getting hurt.”
“Iyan ang buhay dito. Kahit gustuhin man naming tumulong na maparusahan ang mga taong nananakit sa mga bata at kababaihan na nagpupunta rito, kung hindi naman makikipag-cooperate ang mga bi
