"SON, nandito na kami sa hospital. H'wag ka nang mag-alala riyan. Maayos si Yolly." Magandang balita ni Madam Angie mula sa kabilang linya.
"Sige po, Mom. Magpahinga ka muna. Tawag ka na lang po mamaya." Nakahinga nang maluwag si Andy. Napapikit pa siya dahil gumaan ang pakiramdam niya sa sinabing iyon ng ina. Para siyang nabunotan ng maraming tinik sa kanyang dibdib. Hindi kasi talaga siya pinasama ni Yolly. Ayaw talaga ng kanyang asawa na sumama pa siya roon dahil paniguradong magtatagal sila sa Korea raw. At ayaw talagang mangyari 'yon ni Yolly sapagkat masisira ulit ang nasimulan nilang pag-aaral.
Napakahalaga talaga para kay Yolly ang makatapos silang mag-asawa para sa kanilang mga anak balang araw. Pinagpilitan nito na kahit siya lang daw ang makatapos sa ngayon. Kung kaya't wala s
