"GUYS, si Shyne Sandoval! Nasa labas!" humahangos na balita sa lahat ng isang babaeng estudyante na kakapasok pa lang sa canteen. Tapos ay lumabas din. Nagbalita lang talaga.
Agad nabulabog ang mga kumakaing estudyante. Nagtakbuhan agad palabas. Kasama na roon syempre si Yolly.
"Tara dali!!" Hila ni Yolly kay Andy pagkarinig niya rin iyon.
"Pero naglalambingan pa tayo? Itong fishball mo 'di mo pa nakakain, oh?:" Si Andy lang ang walang ganang tumayo at napasunod sa asawa.
"Mamaya ko na lang kainin! Tara na! Gusto ko ulit siyang makita!" excited na giit ni Yolly.
Naiiling na lang si Andy na sumunod sa asawa. Dala nito ang transparent na baso ng fishball. Nakipagsisikan sila sa mga madaming estudyante.
"Paraan!" Pero nang makitang sila iyon ay binigyan sila ng daan ng mga estudyante. K
